40 Hadithe Kudsi app for iPhone and iPad

Falënderimi i takon All-llahut. Atë e falënderojmë dhe prej Tij falje dhe ndihmë kërkojmë. Kërkojmë mbrojtje nga All-llahu prej të këqijave të vetvetes dhe të veprave tona. Kë e udhëzon All-llahu s’ka kush e lajthit dhe kë e largon nga rruga e vërtetë, s’ka kush e udhëzon. Dëshmoj se s’ka të adhuruar tjetër përveç All-llahut, i Cili është Një dhe i pa shoq, dhe dëshmoj se Muhammedi salAll-llahu alejhi ue selem është rob dhe i dërguar i Tij.

40 Hadithet Kudsi në fakt kanë qenë të postuara nëpër disa faqe të internetit me këtë emër dhe shumë njerëz i kanë postuar nëpër ueb-faqe dhe vende të tjera. Që të jemi të sinqertë me përkthyesin e parë, nuk e dimë se kush i ka përkthyer fillimisht këto hadithe mirëpo lus All-llahun ta shpërblejë atë për punën e tij. Disa vëllezër student të Universitetit të Prishtinës kërkuan nga Hoxhë Lulzim Mehmet Susuri që ti kontrollojë duke e shikuar fillimisht saktësinë e përkthimit të tyre, pastaj referencat ku gjinden këto hadithe, cekjen e numrit të tyre nëpër këto libra, e disa përmirësime të tjera.

Pas përpilimit të suksesshëm të këtij libri, me ndihmën e All-llahut Fuqiplotë, Xhamia Mbret Elbasan incizoi te gjitha hadithet me zë dhe pastaj në bashkëpunim me Ihsaan Islamic Dawah krijuan këtë aplikacion shumë të nevojshëm për besimtarët shqiptarë dhe të gjithë ata të cilët kërkojnë njohuri rreth islamit.

Lus All-llahun e Madhërishëm që këtë aplikacion ta bëjë të dobishëm për të gjithë, që të fitojmë kënaqësinë e All-llahut Subhanehu we Teala dhe kjo vepër të regjistrohet në kandarin e veprave të mira në Ditën e Gjykimit.

Cdo vërejtje apo sugjerim është i mirëpritur në [email protected]

Mos na harroni në dua.

Esselamu Alejkum ue Rahmetullah ue Berekatuhu